Hamingjute

Ætla að byrja á því að þakka ykkur fyrir að senda mér línu í athugasemdum. Það er virkilega skemmtilegt að sjá hverjir eru að skoða síðuna og endilega haldið áfram að skrifa þó að ég svari ekki alltaf :) Er afrek út af fyrir sig að ég sé yfirhöfuð að blogga miðað við hversu pennalöt ég er.

Nú eru krílin mín og Rikki farin, kvaddi þau í morgun með tárin í augunum. Þau eru í vélinni á leið til London í þessum skrifuðu orðum. Það er sérstaklega erfitt að vera í burtu frá Ragnheiði því hún skilur ekki almennilega hvers vegna ég er ekki bara hjá þeim. Hún er orðin mikil pabbastelpa og má varla sjá af honum. Það verður nokkurra vikna verkefni fyrir mig að vinna hana tilbaka þegar ég kem heim.

Það er búið að vera yndislegt að hafa þau hérna og við erum búin að gera margt skemmtilegt saman. Við fórum t.d. til borgar sem heitir Hangzou og er 2 tíma lestarferð frá Shanghæ. í Hangzou er eitt fallegasta stöðuvatn í Kína, við vorum á hóteli alveg við vatnið og ég verð að segja að þetta er fallegasta útsýni sem ég hef upplifað um ævina. Vorum aðeins óheppin með veður, seinni daginn koma fellibylur yfir landið þannig að það var brjáluð rigning og rok. Það flæddi yfir gangstéttir og upp úr holræsum þannig að við urðum að vera inni. Það var reyndar allt í lagi, höfðum það bara huggulegt inni á hóteli að lesa og borða góðan mat. Náðum að fara í ferð fyrri daginn þar sem við skoðuðum ofboðslega fallegt búddaklaustur og teþorp rétt hjá vatninu. Í teþorpinu fengum við að sjá hvernig grænt te er unnið og keyptum te beint frá bóndanum. Það er reyndar dýrasta te sem við höfum keypt, en samkvæmt bóndanum mun það bæði gera okkur hraust og hamingjusöm.. maður getur ekki sett verðmiða á það :)

Athugasemdir

[Hrafnhildur Ýr (IP-tala skráð) 11.10.2007 kl. 10:22]

Gott að heyra að þið fjölskyldan náðu að nýta tímann vel og gera skemmtilega hluti.  Tíminn verður svo fljótur að líða að þú verður komin heim áður en þú veist af. Skil þig samt rosalega vel að það sé erfitt að vera í burtu frá fjölskyldunni.

Kv. Hrafnhildur

[Kolbrún Ýr (IP-tala skráð) 11.10.2007 kl. 13:26]

Mér finnst þetta allt saman svo ótrúlega spennandi og alveg eitthvað sem ég væri til í að prófa, fara í skiptinám til framandi landa  

Hlakka til að lesa meira frá þér

 Kv.
Kolbrún Ýr

[Þórey Vilhjálmsdóttir, 16.10.2007 kl. 02:32]

Takk systur! gaman að þið séuð að fylgjast með mér. Ég hvet ykkur eindregið til þess að prófa þetta. Maður hefur svo gott af því að fara út úr þægindarammanum og upplifa eitthvað nýtt! (Sorry Baddi, þú færð bara ráð hjá Rikka hvernig á vera framúrskarandi grasekkill ;)

Bið kærlega að heilsa familíunni

Knús og kossar

ÞV